Ion

Euripides

Euripides. Euripidis Fabulae, Vol. II. Murray, Gilbert, editor. Oxford: Clarendon Press, 1913. (Reprinted 1921-1962)

  1. ἀτὰρ θυγατρὸς τῆς Ἐρεχθέως τί μοι
  2. μέλει; προσήκει γʼ οὐδέν. ἀλλὰ χρυσέαις
  3. πρόχοισιν ἐλθὼν εἰς ἀπορραντήρια
  4. δρόσον καθήσω. νουθετητέος δέ μοι
  5. Φοῖβος, τί πάσχει· παρθένους βίᾳ γαμῶν
  6. προδίδωσι; παῖδας ἐκτεκνούμενος λάθρᾳ
  7. θνῄσκοντας ἀμελεῖ; μὴ σύ γʼ· ἀλλʼ, ἐπεὶ κρατεῖς,
  8. ἀρετὰς δίωκε. καὶ γὰρ ὅστις ἂν βροτῶν
  9. κακὸς πεφύκῃ, ζημιοῦσιν οἱ θεοί.
  10. πῶς οὖν δίκαιον τοὺς νόμους ὑμᾶς βροτοῖς
  11. γράψαντας, αὐτοὺς ἀνομίαν ὀφλισκάνειν;