Medea

Euripides

Euripides. Euripidis Fabulae, Vol. I. Murray, Gilbert, editor. Oxford: Clarendon Press, 1902.

  1. σὺν σοί, πρόθυμος μᾶλλον ἢ σοφωτέρα·
  2. Πελίαν τ’ ἀπέκτειν’, ὥσπερ ἄλγιστον θανεῖν,
  3. παίδων ὑπ’ αὐτοῦ, πάντα τ’ ἐξεῖλον δόμον.
  4. καὶ ταῦθ’ ὑφ’ ἡμῶν, ὦ κάκιστ’ ἀνδρῶν, παθὼν
  5. προύδωκας ἡμᾶς, καινὰ δ’ ἐκτήσω λέχη—
  6. παίδων γεγώτων· εἰ γὰρ ἦσθ’ ἄπαις ἔτι,
  7. συγγνώστ’ ἂν ἦν σοι τοῦδ’ ἐρασθῆναι λέχους.
  8. ὅρκων δὲ φρούδη πίστις, οὐδ’ ἔχω μαθεῖν