Medea

Euripides

Euripides. Euripidis Fabulae, Vol. I. Murray, Gilbert, editor. Oxford: Clarendon Press, 1902.

  1. χρὴ δ’ οὔποθ’ ὅστις ἀρτίφρων πέφυκ’ ἀνὴρ
  2. παῖδας περισσῶς ἐκδιδάσκεσθαι σοφούς·
  3. χωρὶς γὰρ ἄλλης ἧς ἔχουσιν ἀργίας
  4. φθόνον πρὸς ἀστῶν ἀλφάνουσι δυσμενῆ.
  5. σκαιοῖσι μὲν γὰρ καινὰ προσφέρων σοφὰ
  6. δόξεις ἀχρεῖος κοὐ σοφὸς πεφυκέναι·
  7. τῶν δ’ αὖ δοκούντων εἰδέναι τι ποικίλον
  8. κρείσσων νομισθεὶς ἐν πόλει λυπρὸς φανῇ.