Εἰδύλλια
Theocritus
Theocritus. The Idylls of Theocritus. Cholmeley, Roger James, editor. London: George Bell and Sons, Ltd.,1901-1919.
- ἀντία κοκκύζοντες ἐτώσια μοχθίζοντι.
- ἀλλʼ ἄγε βουκολικᾶς ταχέως ἀρχώμεθʼ ἀοιδᾶς,
- Σιμιχίδα· κἠγὼ μέν—ὅρη φίλος, εἴ τοι ἀρέσκει
- τοῦθʼ ὅ τι πρᾶν ἐν ὄρει τὸ μελύδριον ἐξεπόνασα.
91
95
- Δάφνιδι τῷ χαρίεντι συνήντετο βουκολέοντι
- μᾶλα νέμων, ὡς φαντί, κατʼ ὤρεα μακρὰ Μενάλκας.
- ἄμφω τώγʼ ἤστην πυρροτρίχω, ἄμφω ἀνάβω,
- ἄμφω συρίσδεν δεδαημένω, ἄμφω ἀείδεν.
- πρᾶτος δʼ ὦν ποτὶ Δάφνιν ἰδὼν ἀγόρευε Μενάλκας·
- μυκητᾶν ἐπίουρε βοῶν Δάφνι, λῇς μοι ἀεῖσαι;
- φαμί τυ νικασεῖν, ὅσσον θέλω αὐτὸς ἀείδων.
- τὸν δʼ ἄρα χὡ Δάφνις τοιῷδʼ ἀπαμείβετο μύθῳ·
- ποιμὴν εἰροπόκων ὀίων συριγκτὰ Μενάλκα,
- οὔποτε νικασεῖς μʼ, οὐδʼ εἴ τι πάθοις τύγʼ ἀείδων.
96
97
- Βουκολιάζεο Δάφνι, τὺ δʼ ᾠδᾶς ἄρχεο πρᾶτος,
- ᾠδᾶς ἄρχεο Δάφνι, συναψάσθω δὲ Μενάλκας,
- μόσχως βουσὶν ὑφέντες, ὑπὸ στείραισι δὲ ταύρως.
- χοἱ μὲν ἁμᾷ βόσκοιντο καὶ ἐν φύλλοισι πλανῷντο
- μηδὲν ἀτιμαγελεῦντες· ἐμὶν δὲ τὺ βουκολιάζευ
- ἐκτόθεν, ἄλλωθεν δὲ ποτικρίνοιτο Μενάλκας.