History of the Peloponnesian War

« Socii erunt Lacedaemonii annos quinquaginta. Si qui vero hostes in Lacedaemoniorum agrum invadant et Lacedaemonios maleficiis afficiant, Athenienses ratione quam poterunt acerrima Lacedaemoniis opem pro facultate ferant; si vero agrum populati discesserint, haec civitas a Lacedaemoniis et Atheniensibus pro hoste habeatur, et ab utrisque malo afficiatur, et de deponendo bello statuant simul ambae civi tates. Haec autem juste et alacriter et sine dolo fiant.

Et vicissim si qui hostes in Atheniensium agrum invadant, et Athenienses maleficiis afficiant, Lacedaemonii ratione quam poterunt acerrima Atheniensibus opem pro facultate ferant; si vero agrum populati discesserint, haec civitas a Lacedaemoniis et Atheniensibus pro hoste habeatur, et ab utrisque malo afficiatur, et de deponendo bello statuant simul aruba* civitates. Ilaec autem juste et alacriter et sine dolo fiant.

Quod si servitia insurgant, Athenienses Lacedaemoniis opem totis viribus pro facultate ferant.

Haec autem foe-

Cippos autem utrique statuant, unum quidem Lacedsemone juxta Apollinem in Amyclaeo, alterum vero Athenis in arce juxta Minervam.

Si quid autem visum fuerit Lacedaemoniis et Atheniensibus vel addere vel demere circa hanc societatem, quicquid visum fuerit, per jusjurandum utrisque liceat. »

Hoc autem jusjurandum jurabant ex Lacedaemoniis quidem isti, Plistoanax, Agis, Plistolas, Damagetus, Chionis, Metagenes, Acanthus, Daithus, Ischagoras, Phi-locharidas, Zeuxidas, Antippus, Alcinadas, Tellis, Empe-dias, Menas, Laphilus, ex Atheniensibus vero Lampo, Islhmionicus, Laches, Nicias, Euthydemus, Procles, Py-thodorus, Hagno, Myrtilus, Thrasycles , Theogenes, Ari-stocrates, Iolcius, Timocrates, Leon, Lamachus, Demosthenes.

Haec societas inita est non multo post foedera, et Athenienses Lacedaemoniis reddiderunt captivos, quos in insula ceperant, et aestas undecimi anni incipiebat. Per decem igitur hos annos continenter gestum primum bellum conscriptum est.

Post foedera autem et societatem Lacedaemoniorum, quae post decenne bellum inita est, quum Plistolas Lacedsemone ephorus esset et Alcaeus Athenis archon, apud lilos quidem, qui haec foedera acceperant, pax erat, Corinthii vero et quaedam Peloponnesi civitates, quae acta erant, concutiebant, et confestim alius sociorum motus existebat adversus Lacedaemonios.

Atque simul etiam Lacedaemonii progressu temporis Atheniensibus in suspicionem venerunt , quod quaedam non praestarent ex conventis, quae in foederum conditionibus continebantur.

Et ad sfe quidem annos decemque menses sibi temperarunt, ne alteri in alterorum agrum cum exercitu infesto proficiscerentur, sed extra per inducias minime firmas se mutuo maximis detrimentis afficiebant; deinde vero etiam illa post decem annos foedera rumpere coacti rursus ad apertum bellum venerunt.