History of the Peloponnesian War

Athenienses vero, Meliorum quoscunque puberes ceperunt, interfecerunt, pueros autem et mulieres in servitutem abstraxerunt. Urbem vero Ipsi incoluerunt, quingentis postea colonis eo missis.

Hac eadem liieme Athenienses volebant cum majore apparatu, quam erat is, quem cum Lachete et Eurymedonte miserant, rursus in Siciliam navigare et eam, si possent, subigere, quum quidem ipsorum plerique ignari essent magnitudinis illius insulae ac multitudinis et Graecorum et barbarorum in ea habitantium, et bellum se suscipere haud multo minus, quam quod adversus Peloponnesios susceperant.

Nam Siciliae ambitus est non multo minor octo dierum circumnaviganti nave oneraria, et tanta quum sit, viginti tantum stadiorum ad summum maritimo spatio discluditur, ne sit continens.

Sic autem antiquitus habitata est ac tot gentes in universum eam tenuerunt. Antiquissimi quidem in quadam illius regionis parte feruntur habitasse Cyclopee atque Ue-strygones, quorum ego neque genus dicere habeo, neque unde venerint, neque quo abierint; sufficiant autem ea, quae a poetis dicta sunt, et quae unusquisque de iis sentit

Sicani vero post eos primi sedes hic posuisse potantur, et ut ipsi quidem praedicant vel priores, quod essent indigenae, sed ut veritas comperitur, lberi origine et a Si-cano lberiae flumine per Ligyes expulsi. Et ab iis haec insula tunc Sicania vocabatur, quum prius Trinacria nominaretur ; et nunc etiam Siciliae partes ad occasum vergentes incolunt.

Ilio autem capto quidam Trojani, qui Achaeos effugerant, navibus ad Siciliam appulerunt, sedibusque positis ad Sicanorum fines, universi vocati sunt Elymi, ur-besque eorum Eryx et Egesta. His autem accolae accesserunt Phocenses quoque nonnulli ex eorum numero, qui a Troja tunc in Libyam tempestate delati primum, deinde ex Libya in Siciliam transmisere.