History of the Peloponnesian War

Res autem istas scripsi et digressionem ab instituta narratione feci liac de causa, quia hic locus ab omnibus, qui ante me scripserunt, est praetermissus ; nam illi vel res ante bellum Medicum a Graecis gestas, vel ipsum bellum Medicum conscribebant. In hoc aulcm numero est et Hellanicus, qui in Attica historia has res attigit, sed breviter, tempotibusque non accurate distinctis mentionem earum fecit. Simul etiam aperte hic demonstratur, quali modo Atheniensium imperium fuerit constitutum.

Primum igitur Eionem, quae ad Strymonem est sila, quam Medi tenebant, obsidione expugnarunt,et incolas, urbe direpta, in servitutem abduxerunt, duce Cimone Miltiadis filio.

Deinde vero Syrum, insulam in iEgaeo sitam, quam Dolopes incolebant, incolis in servitutem abstractis, ipsi colonis occupaverunt.

Cum Carystiis autem sine aliis Euboensibus, bellum gesserunt, tandemque certis conditionibus compositionem fecerunt.

Postea vero Naxiis, qui defecerant, bellum intulerunt, et obsidione in deditionem receperunt; atque haec prima sociarum civitatum praeter juris consuetudinem in servitutem est redacta, mox et aliae, prout cuique contigit.

Defectionum vero causae quum aliae erant, tum vero praecipuae, tributorum et navium reliquationes, et militiae recusatio, si cui contigisset. Nam Athenienses haec severe exigebant, et molesti erant, quum hominibus, nec assuetis nec volentibus aerumnas perpeti, necessitatem imponerent.

Erant autem etiam alioquin Athenienses non amplius pariter jucundi, postquam imperium tenebant, et neque ex aequo cum sociis militabant, et facile iis erat, eos, qui deficerent , in officium redigere.