Vita Sancti Martini

tum uero tota sanctum spiritum mente concipiens egredi cellulam, in qua corpus iacebat, ceteros iubet, ac foribus obseratis super exanimata defuncti fratris membra prosternitur. et cum aliquamdiu orationi incubuisset sen- . sissetque per spiritum Domini adesse uirtutem, erectus paululum et in defuncti ora defixus, orationis suae ac misericordiae Domini intrepidus expectabat euentum: uixque duarum fere horarum spatium intercesserat, uidet defunctum paulatim membris omnibus commoueri et laxatis in usum uidendi palpitare luminibus.

tum uero magna ad Dominum uoce conuersus gratias agens [*]( 2 eleborum A, elebori * (i ex corr.) F II ferunt nt uenenatum Å 3 cibum] add. in F m. 2 suum 4 pepulit B 7 profectus (profectusq. corr. m. 2) 8 ad urbem F 9 Cumque iam uel Cum uero (autem) iam dett. II eum e uestigio cod. Berol. (Vorstii), eum e uestigiis est pros. non- nuUi libri GiseZini; exspectares potius: ita eius uestigia est pros. Paulinus habet: Ergo legens praegressa pio uestigia cursu etc. 10 gratantissime fuisse A 12 instrui coll. Berol. 13 paucis quippe AF II correptus est (add. m. 2 et) ui F 14 at tum M II post triduum fuisset regressus M 15 exanime corpus AFM: c. exanime v II subito Fpr. m. 17 tum F 18 tota sanctom spiritum (spir. sanctum F) AFM: sanctum spir. tota v 22 erectus] hic redit V 24 aduentum A 25 uidet ABF1V: uidit F corr. et v, et uidit (uel cum uidit) dett. pauci; at u. Chron. I, 38, 4. )

ita redditus uitae, statim baptismum consecutus plures postea uixit annos, primusque apud nos Martini uirtutum uel materia uel testimonium fuit.

idem tamen referre erat solitus, se corpore exutum ad tribunal iudicis ductum deputandumque obscuris locis et uulgaribus turbis tristem excepisse sententiam: tum per duos angelos iudici fuisse suggestum, hunc esse pro quo Martinus oraret: ita per eosdem angelos se iussum reduci, et Martino redditum uitaeque pristinae restitutum.

ab hoc primum tempore beati uiri nomen enituit, ut qui sanctus iam ab omnibus habebatur, potens etiam et uere apostolicus haberetur.

Nec multo post, dum agrum Lupicini cuiusdam honorati secundum saeculum uiri praeteriret, clamore et luctu turbae plangentis

excipitur, ad quam cum sollicitus adstitisset et quis esset hic fletus inquireret, indicatur unum ex familia seruulum laqueo sibi uitam extorsisse. quo cognito cellulam, in qua corpus iacebat, ingreditur, exclusisque omnibus turbis superstratus corpori aliquantisper orauit.

mox uiuescente uultu, marcescentibus oculis in ora illius defunctus erigitur: lentoque conamine enisus adsurgere, adprehensa beati uiri dextera in pedes constitit: adque ita cum eo usque ad uestibulum domus, turba omni inspectante, processit.

Sub idem fere tempus ad episcopatum Turonicae ecclesiae petebatur: sed cum erui monasterio suo non facile posset, Rusticius quidam, unus e ciuibus, uxoris languore simulato ad genua illius prouolutus ut egrederetur obtinuit.

ita dispositis iam in itinere ciuium turbis, sub quadam custodia ad ciuitatem usque deducitur. [*]( 1 adsisterant V 2 expectaculum F 3 baptisma AFv 6 corpore esse exutum V 7 deputandumque FMQV: deputatumque Av It et om. A II excipisse V et paulo post excepitur 10 redditum om. 1 cod. Gisel. 11 primum V: primo AFv 12 ab hominibus F 16 sollicitus cum v II adstitessit V, restitisset F 17 ei V: e AFv 20 uiuescente F pr. m.: uiuiscente AF2Vv 21 lenteoque V 25 Eodem fere teinpore martinus ad AF 26 monasterio AQV: a monasterio Fv II facile non v II possit AF, sed in F posset ead. m. corr. y rusticius V: rusticua BM, ruritius A, ruricius Fv )

una omnium uoluntas, eadem uota eademque sententia, Martinum episcopatus esse dignissimum: felicem fore tali ecclesiam sacerdote. pauci tamen et nonnulli ex episcopis, qui ad constituendum antistitem fuerant euocati, impie repugnabant, dicentes scilicet, contemptibilem esse personam, indignum esse episcopatu hominem uultu despicabilem, ueste sordidum, crine deformem.