Chronica

ac tum primum impatientis populi contumacia apparuit iamque in Moysen ferebatur, cum edoctus a Deo lignum aquis intulit, cuius haec uis fuit, ut dulcem saporem fluentis redderet.

exin promotum agmen apud Elim duodecim fontibus aqua- \'rum et septuaginta arboribus palmarum repertis consedit. rursum populus famem conquerens Moysen increpabat, Aegypti seruitium cum saturitate uentris desiderans: tum grex coturnicum superne missus castra oppleuit.

postero autem die animaduertunt qui extra castra processerant, paruis quibusdam siliquis oppletum solum: quarum species in modum coriandri seminis glaciali albitudine erat, ut crebro hibernis mensibus superductis pruinis tegi terram nidemus.

tum per Moysen populus admonetur, panem hunc eis munere missum Dei: unumquemque in id paratis uasculis tantum [*]( 11 Exod. 15. 19 Exod. 16. ) [*]( 2 fort. nec ullum 3 quoniam scripsi: quo Pb (pro quo), quod de Prato 4 eicercitum P, item t1. 10 excercitu 7 verba uelut—aegyptius P in litura scripta habet, sed prima manu 11 incolumitate suorum, exitio hostium b: incolumitate exitium hOBtium P, an ob incolumitatem suorum et exitium h. ? II uirtute P: uirtuteque b, uirtuteque Dei Sigo- Mtus 12 Domino b 13 mulieris P II ingressus P, etA. Sigonius II heremum P 15 impatentiB (non impatientis) P, impotentia b II contnmatia P 19 arborum Pb, etII. Sigonius; ef. 1, 27, 3 oliuarum arbores exustae 21 tum rex coturnuscum P, em. ita b 24 albedine b 26 pannem P ) [*]( 2 )

uerum populus, ut semper parum dicto audiens, more humani ingenii non refrenauit cupiditatem, ex reconditis in posterum quoque diem consulens. sed reposita foetore diro in uer-

mes efferuescebant, cum die sexto in sabbatum reseruata integra permanerent. hoc Hebraei per XL annos cibo usi, cuius sapor melli proximus: nomen manna traditur. in testimonium autem diuini muneris reseruasse Moyses gomor plenum in uase aureo dicitur.

Inde progressus populus, cum aquae penuria temptaretur, aegre ab exitio ducis temperabat. tum Moyses mandante Domino apud locum, cui Choreb nomen est, uirga petram percutiens large aquae copiam fecit.

sed ubi Raphidin peruentum, Amalecitae populum incursionibus uastabant. Moyses suis in proelium eductis, cum Iesum bellantibus praefecisset, assumpto Aaron et Vr spectator pugnae futurus, simul precandi Dominum gratia, montem conscendit. sed cum dubio euentu acies concurrissent, Moysi precibus uictor Iesus hostes m noctem cecidit.