Cathemerina

Prudentius

Prudentius, Volume 1. Thomson, H. J, editor. London; Cambridge, Mass.: William Heinemann Ltd., Harvard University Press, 1949 (printing).

  1. qui pastum famulo daret probato,
  2. raptim desilit obsequente mundo.
  3. cernit forte procul dapes inemptas,
  4. quas messoribus Ambacum 1 propheta
  5. agresti bonus exhibebat arte.
  6. huius caesarie manu prehensa,
  7. plenis, sicut erat, gravem canistris
    8. p.36
  8. suspensum rapit et vehit per auras.
  9. tum raptus simul ipse prandiumque
  10. sensim labitur in lacum leonum,
  11. et quas tunc epulas gerebat offert.
  12. sumas laetus ait ‘libensque carpas,
  13. quae summus Pater angelusque Christi
  14. mittunt liba tibi sub hoc periclo.’
  15. his sumptis Danielus excitavit
  16. in caelum faciem, ciboque fortis
  17. amen reddidit, alleluia dixit.
  18. sic nos muneribus tuis refecti,
  19. largitor Deus omnium bonorum,
  20. grates reddimus et sacramus hymnos.