Cathemerina

Prudentius

Prudentius, Volume 1. Thomson, H. J, editor. London; Cambridge, Mass.: William Heinemann Ltd., Harvard University Press, 1949 (printing).

  1. sparsim timere et cedere.
  2. invisa nam vicinitas
  3. lucis, salutis, numinis,
  4. rupto tenebrarum situ
  5. noctis fugat satellites.
  6. hoc esse signum praescii
  7. norunt repromissae spei,
  8. qua nos soporis liberi
  9. speramus adventum Dei.
  10. quae vis sit huius alitis,
  11. Salvator ostendit Petro,
  12. ter antequam gallus canat
  13. sese negandum praedicans.
  14. fit namque peccatum prius
  15. quam praeco lucis proximae
  16. inlustret humanum genus
  17. finemque peccandi ferat.
  18. flevit negator denique
  19. ex ore prolapsum nefas,
    20. p.10
  20. cum mens maneret innocens