Liber Peristephanon

Prudentius

Prudentius, Volume 2. Thomson, H. J, editor. London; Cambridge, Mass.: William Heinemann Ltd., Harvard University Press, 1953 (printing).

  1. temptata multis nam prius artibus,
  2. nunc ore blandi iudicis inlice,
  3. nunc saevientis carnificis minis,
  4. stabat feroci robore pertinax
  5. corpusque duris excruciatibus
  6. ultro offerebat non renuens mori.
  7. tum trux tyrannus: si facile est, ait,
  8. ‘poenam subactis ferre doloribus
  9. et vita vilis spernitur, at pudor
  10. carus dicatae virginitatis est.
  11. hanc in lupanar trudere publicum
  12. certum est, ad aram ni caput applicat
  13. ac de Minerva iam veniam rogat,
  14. quam virgo pergit temnere virginem,
  15. omnis iuventus inruet et novum
  16. ludibriorum mancipium petet.’
  17. haud, inquit Agnes, ‘inmemor est ita
    18. p.340
  18. Christus suorum, perdat ut aureum
  19. nobis pudorem, nos quoque deserat.
  20. praesto est pudicis nec patitur sacrae