Cento

Proba

Proba, active 4th century. Poetae Christiani Minores, Pars I (Corpus scriptorum ecclesiasticorum latinorum, Volume 16, Part 1). Petschenig, Michael, editor; Ellis, Robinson, editor; Brandes, Wilhelm, editor; Schenkl, Karl, editor. Vienna, Leipzig, Prague: Tempsky, Freytag, 1888.

  1. Interea magno misceri murmure caelum [*]( Matth.27,45; )
  2. incipit I et rebus nox abstulit atra colorem [*]( 51 sqq. )[*]( Luc. 28, 44 )
  3. impiaque aeternam timuerunt saecula noctem.
  4. terra tremit, fugere ferae et mortalia corda
  5. per gentes humilis strauit pauor: I inde repente
  6. dat tellus gemitum et I caelum tonat omne fragore.
  7. extemplo | commotae Erebi de sedibus imis
  8. umbrae ibant tenues. I tellus quoque et aequora ponti
  9. signa dabant: I sistunt amnes terraeque dehiscunt.
  10. quin ipsae stupuere domus atque intima Leti
  11. Tartara I et umbrosae penitus patuere cauernae.
  12. sol quoque et exoriens I — cuncti se scire fatentur —
  13. tum caput obscura nitidum ferrugine texit.
  14. Diffugiunt comites et nocte teguntur opaca [*]( Matth. 26,56 )[*](Marc. 14, 50 )