De Mortibus Persecutorum

cum igitur tales poenas de sacrilegis deus exegerit, nonne mirabile est ausum esse quemquam postea non modo facere, sed etiam cogitare aduersus maiestatem singularis dei regentis et continentis uniuersa?

Aurelianus, qui esset natura uesanus et praeceps, quamuis captiuitatem Valeriani meminisset, tamen oblitus sceleris eius et poenae iram dei crudelibus factis lacessiuit. uerum illi ne perficere quidem quae cogitauerat licuit, sed protinus inter initia sui furoris extinctus est.

nondum ad prouincias ulteriores cruenta eius scripta peruenerant, et iam Caenofrurio, qui locus est Thraciae, cruentus ipse humi iacebat falsa quadam suspicione ab amicis suis interemptus.

talibus et tot exemplis coerceri posteriores tyrannos oportebat: at hi non modo territi non sunt, sed audacius etiam contra deum confidentiusque fecerunt.

Diocletianus. qui scelerum inuentor et malorum machinator fuit, cum disperderet omnia, ne a deo quidem manus [*](LOCI AVCTORVM EXPILATORVM SIMILES c. 6] ibid. 24, 3. ) [*]( 2 haberet Bal. abeba C captiuitati C, corr. Bal 8 extrettame C 5 derepta Nic. Hcinsius, direpta C est infecta Lenglet, sed uirgula quam dicit esse in C, d distinctio est 6 clarissimi Bal, karissimi C 7 ostentui, i ras. ex s, C 9 principes C, corr. Bal aput C 10 exigerit C 14 uaesanus C praecebs C 19 Caenofrurio Columbus, coeno frnrio C; <in> Caenofrurio Heumann 20 traciae C 21 suspitione C 22 cohetceri C 25 Dio clecianus C, sic paene constanter 26 ne Lenglet, item Bentleius, nec C )

hic orbem terrae simul et auaritia et timiditate subuertit. tres enim participes regni sui fecit in quattuor partes orbe diuiso et multiplicatis exercitibus, cum singuli eorum longe maiorem numerum militum habere contenderent, quam priores principes habuerant, cum soli rem publicam gererent.

adeo maior esse coeperat numerus accipientium quam dantium. ut enormitate indictionum consumptis uiribus colonorum desererentur agri et culturae uerterentur in siluam.