Evangeliorum libri quattuor

Juvencus, Caius Vettius Aquilinus

Juvencus. Evangeliorum libri quattuor. Corpus scriptorum ecclesiasticorum Latinorum, Volume 24. Huemer, Johann, editor. Vienna: Gerold, 1891.

  1. Natali sed forte die cum laeta tyrannus
  2. Herodes celsis strueret conuiuia mensis,
  3. Luxuriae quoniam coniuncta superbia gaudet,
  4. In medio iuuenum reginae filia uirgo,
  5. Alternos laterum celerans sinuamine motus,
  6. Conpositas cantu iungit modulante choreas.
  7. Ipse sed in primis mirata uirginis arte
  8. Attonitus stupuit; tunc praemia cuncta patere
  9. Iuratus spondet, quaecumque puella petisset.
  10. Illa sed horrendae seruans scelera impia matris