Evangeliorum libri quattuor

Juvencus, Caius Vettius Aquilinus

Juvencus. Evangeliorum libri quattuor. Corpus scriptorum ecclesiasticorum Latinorum, Volume 24. Huemer, Johann, editor. Vienna: Gerold, 1891.

  1. Christus, magnifico terras qui lumine conples.\'
  2. Tum Dominus forti respondit talia Petro:
  3. \'Petre beatus eris, nam talia pandere certe
  4. Humanus sanguis uel terrae portio corpus
  5. Haut umquam poterit. Genitoris munera sola-
  6. Possunt tam ualidum fidei concedere robur.
  7. Tu nomen Petri digna uirtute tueris.
  8. Hac in mole mihi saxique in robore ponam
  9. Semper mansuras aeternis moenibus aedes.
  10. Infernis domus haec non exsuperabile portis