Evangeliorum libri quattuor

Juvencus, Caius Vettius Aquilinus

Juvencus. Evangeliorum libri quattuor. Corpus scriptorum ecclesiasticorum Latinorum, Volume 24. Huemer, Johann, editor. Vienna: Gerold, 1891.

  1. Talia saluator uerbis caelestibus edit
  2. Virginis et mentem discusso daemone uirtus
  3. Conplexam inpleuit donis fecunda salutis.
  4. Inde Galilaeas repedat seruator in oras
  5. Praecelsique procul montis consedit in arce.
  6. Haut mora, conueniunt populi secumque trahebant
  7. Pars captos oculis et crurum debile uulgus.
  8. Elinguesque alios morbique uocabula mille.
  9. Omnibus ille tamen languores dempsit amaros,
  10. Viribus et ualidis uenerando munere donat.