Evangeliorum libri quattuor

Juvencus, Caius Vettius Aquilinus

Juvencus. Evangeliorum libri quattuor. Corpus scriptorum ecclesiasticorum Latinorum, Volume 24. Huemer, Johann, editor. Vienna: Gerold, 1891.

  1. Discipuli Christo memorant, quod uerba loquentis
  2. Occulto traherent scribarum pectora risu.
  3. Ille dehinc: \'Genitor plantarum semina noster
  4. Quae non ipse sui conseuit in aequore ruris,..
  5. Abiciet penitus radicibus eruta longe.
  6. Caecum forte ducem caecus si nactus oberret,
  7. Decidet in foueam pariter dimersus uterque.\'
  8. Tunc petit absolui Petrus, quid quaestio uellet,
  9. Ipse Pharisaeis quam mox scribisque dedisset.
  10. Tum sator aeternae respondit talia uitae: