Evangeliorum libri quattuor

Juvencus, Caius Vettius Aquilinus

Juvencus. Evangeliorum libri quattuor. Corpus scriptorum ecclesiasticorum Latinorum, Volume 24. Huemer, Johann, editor. Vienna: Gerold, 1891.

  1. \'Vobis, qui firmo robustam pectore mentem
  2. Ad capienda Dei penetralia constabilistis,
  3. Concessum est aditis penitus consistere regni;
  4. Illis pro merito clauduntur lumina mentis.
  5. Si quia habet dignus, capiet potiora redundans;
  6. Qui uero expertes caelestis muneris errant,
  7. Amittent etiam, proprium quodcumque retentant.
  8. Idcirco obscuris coopertum ambagibus illum
  9. Perstringit populum sermonis gratia nostri,