Evangeliorum libri quattuor

Juvencus, Caius Vettius Aquilinus

Juvencus. Evangeliorum libri quattuor. Corpus scriptorum ecclesiasticorum Latinorum, Volume 24. Huemer, Johann, editor. Vienna: Gerold, 1891.

  1. Gens hominum propriis in fletum dedita gestis.
  2. Haec istam digno damnabit crimine gentem,
  3. Quod maris e fundo surgentis uoce profetae
  4. Conmonita in lacrimas Dominum proiecta reflexit.
  5. Hic et Ionaeis monitis potiora iubentur,
  6. Contemnitque feris animis gens impia lucem.
  7. Et regina Noti uitales surget in oras.
  8. Illius ad specimen damnabitur effera plebes,
  9. Finibus extremis Libyae quod uenerit illa,
  10. Ut Solomona pium, praeceptis dedita iussis,