Evangeliorum libri quattuor

Juvencus, Caius Vettius Aquilinus

Juvencus. Evangeliorum libri quattuor. Corpus scriptorum ecclesiasticorum Latinorum, Volume 24. Huemer, Johann, editor. Vienna: Gerold, 1891.

  1. Paruulaque infantum uis haec conprendere corda.
  2. Iam mihi regnantis sunt omnia tradita patris,
  3. Nec quisquam Domini poterit cognoscere natum,
  4. Ni solus genitor; genitorem mente uidebit
  5. Filius, aut idem pandet cui talia natus.
  6. Huc omnes ueniant, oneris quos sarcina uasti
  7. Conprimit; his poterit uirtus mea munere patris
  8. Antiquas uires hilari reparare quiete.
  9. Sumite forte iugum, leuis est mea sarcina iustis,
  10. Namque humili dulcem largitur corde salutem.\'