Evangeliorum libri quattuor

Juvencus, Caius Vettius Aquilinus

Juvencus. Evangeliorum libri quattuor. Corpus scriptorum ecclesiasticorum Latinorum, Volume 24. Huemer, Johann, editor. Vienna: Gerold, 1891.

  1. Quodue sit imperium, cui sic freta concita uentis
  2. Erectaeque minis submittant colla procellae.
  3. Iam Gerasenorum steterat sub litore puppis;
  4. Ecce sed egresso iuuenis — mirabile dictu —
  5. Occurrit, miseram cui mentem spiritus ater
  6. Inmunda inplebat lacerans uirtute furoris.
  7. Illi grata domus tetris habitare sepulchris;
  8. Nec poterat rapidum quisquam retinere furorem,
  9. Fortia quin etiam rumpebat uincula ferri
  10. Scidebatque graues ut lanea fila catenas.