Evangeliorum libri quattuor

Juvencus, Caius Vettius Aquilinus

Juvencus. Evangeliorum libri quattuor. Corpus scriptorum ecclesiasticorum Latinorum, Volume 24. Huemer, Johann, editor. Vienna: Gerold, 1891.

  1. Ecce Pharisaei occulto reprehendere risu,
  2. Quod legis doctor conuiuia talia iniret.
  3. Ille sed inspiciens, quid pectora clausa tenerent:
  4. \'Non, inquit, medicis opus est, ubi fortia membra
  5. Intemerata salus uegetat uirtutis honore.
  6. Aegris sed merito miseris adhibenda medella est.
  7. Discite nunc saltem, iubeant quid uerba profetae:
  8. Non ego sacra magis quam mitia pectora quaero.
  9. Haut etenim iustos ueni ad directa uiantes,
  10. Sed reuocare malos peccantum a limite gressus.\'