Evangeliorum libri quattuor

Juvencus, Caius Vettius Aquilinus

Juvencus. Evangeliorum libri quattuor. Corpus scriptorum ecclesiasticorum Latinorum, Volume 24. Huemer, Johann, editor. Vienna: Gerold, 1891.

  1. Sed spatium tribuat tua nobis, Sancte, uoluntas,
  2. Ut liceat miseri genitoris condere corpus.\'
  3. Christus ad haec: \'Itiner melius comitabere nostrum
  4. Et sine defunctis defunctos condere terrae.\'
  5. Conscendunt nauem uentoque inflata tumescunt
  6. Vela suo, fluctuque uolat stridente carina.
  7. Postquam altum tenuit puppis, consurgere in iras
  8. Pontus et inmissis hinc inde tumescere uentis
  9. Instat et ad caelum rabidos sustollere montes;
  10. Et nunc mole ferit puppim nunc turbine proram,