Evangeliorum libri quattuor

Juvencus, Caius Vettius Aquilinus

Juvencus. Evangeliorum libri quattuor. Corpus scriptorum ecclesiasticorum Latinorum, Volume 24. Huemer, Johann, editor. Vienna: Gerold, 1891.

  1. Qui uero auditu tantum mea iussa tenebit
  2. Diuersisque procul factis per lubrica perget,
  3. Hunc similem faciam, uolucri qui fulcit harena
  4. Fundamenta domus; primo cui flamine uenti.
  5. Et pluuia infusis coepit cum incumbere riuis,
  6. Omnis subuerso procumbit pondere moles
  7. Insequiturque graui tectorum strage ruina.\'
  8. Talia dicentem fixa admiratio plebis
  9. Inmensum stupuit, quoniam transcenderat alte
  10. Doctrinam ueterum Christo concessa potestas.