Evangeliorum libri quattuor

Juvencus, Caius Vettius Aquilinus

Juvencus. Evangeliorum libri quattuor. Corpus scriptorum ecclesiasticorum Latinorum, Volume 24. Huemer, Johann, editor. Vienna: Gerold, 1891.

  1. Ad deponendas maculas clamore uocabat,
  2. Fluminis ut liquidi caperent miranda lauacra,
  3. Quis animae uirtus abluta sorde niteret;
  4. Esaias uates cecinit quod numine iussus:
  5. \'Vox late resonat desertis uallibus; amplas
  6. Instruite stratas, omnis sit recta uiarum
  7. Semita, quae Domini digne uestigia gestet.