Epistulae

Surgens ibo ad patrem meum. pulchre ait \'surgens\'; patre quippe absente non steterat. peccatorum iacere, stare iustorum est. ad Moysen dicitur: tu uero hic sta mecum; et in centesimo tricesimo tertio psalmo: ecce nunc benedicite dominum, omnes serui domini, qui statis in domo domini, ad benedictionem domini stantes propheta in domo domini cohortatur.

Et dicam illi: pater, peccaui in caelum et coram te; iam non sum dignus uocari filius tuus. peccauerat in caelum, qui Hierusalem caelestem reliquerat matrem; peccauerat coram patre, qui conditore deserto fuerat ligna ueneratus; non erat dignus uocari filius dei, qui seruus esse maluerat idolorum. omnis enim, qui peccatum facit, de diabolo patre natus est.

Fac me sicut unum ex mercennariis tuis. fac me, inquit, \'sicut unum ex Iudaeis, qui te ob praesentium tantum rerum promissa uenerantur. recipe filium paenitentem, qui mercennariis tuis peccantibus saepissime pepercisti\'.

Et uenit usque ad patrem suum. uenimus ad patrem, quando a porcorum recedimus pastione, secundum illud: statim ut conuersus ingemueris, saluus eris. [*]( 3* Luc.15,18 5 Deut. 5,31 6 Ps. 133,1 10 *Luc.l5,18-19 12 cf. Hebr.12,22 15cf.IIoh.3,8 17*Luc.l5,19 21*Luc.l5,20 23*Esai.30,15 1 iste] in ras. m2 B, s. Z. m2W ipse 2 (in mg. iste m2), D ex Iud.] iudei Bp.r. ob] op D praesentiam A (m eras.), W 2 a dei] in ras. m2 B ab eius I confitior B confiteor Xa.c.m2 4 patre quippe] in ras. m2 B iust. stare S 5 dicit deus (dominus Q) WXQ hie s. I. JS 6 tricensimo X trigesimo Q 7 dominum] domino WB domini] dominum D 9 cohartatur WXa.c.m2 10 caelo W 12 quia B 14 uocare TVXa.c. dei om. Q esse s. l. S 15 enim in mg. D fac. pecc. D de om. 2 16 patre om. Q 17 ex] de 2B mercenariis X,2a.c.m2 18 inquit] sicut (eras.) inquit Q, a. 1. m2 B sicut in ras. m2 B 20 mercenariis S,Xa.c.m2 peccantibus om. WX 22 apud corum (s. 1. m2 ap peccatorum) reced. W reced. a porcorum g pastionem (rn eras.) JD passione (alt. s in ras. m2) W participatione Q )

Cumque adhuc longe esset, uidit eum pater eius et misericordia motus est. antequam dignis operibus et uera paenitentia ad patrem rediret antiquum, deus, apud quem cuncta futura iam facta sunt et qui omnium est praescius futurorum, ad eius praecurrit aduentum et per uerbum suum, quod carnem sumpsit ex uirgine, reditum filii iunioris anticipat.

Et procurrens incubuit super collum ipsius. ante uenit ad terras, quam ille domum confessionis intraret, incubuit super collum ipsius, id est corpus sumpsit humanum, et, sicuti super pectus Iohannes recubuit, qui secretorum eius effectus est particeps, ita et iugum suum leue, id est mandatorum suorum facilia praecepta, ex gratia magis quam ex merito super iuniorem filium conlocauit.

Et osculatus est eum iuxta illud, quod in Cantico Canticorum ecclesia de sponsi precatur aduentu: osculetur me ab osculis oris sui, nolo mihi,\' dicens, per Moysen, nolo per prophetas loquatur; ipse meum corpus adsumat, ipse me osculetur in carne\', ut et illud quoque, quod in Esaia scriptum est, huic sententiae coaptemus: si quaeris, quaere et ad me habita in saltu.