Epistulae

Jerome, Saint

Jerome, Saint. S. Euesebii Hieronymi Opera, Section 1 (Pars I-III): Sancti Eusebii Hieronymi Epistulae (Corpus Scriptorum Ecclesiasticorum Latinorum, Volume 52-54). Hilberg, Isidor, editor. Vienna, Leipzig: Tempsky, Freytag, 1910-1918.

scio ego sanctas uirgines, quae diebus festis propter [*]( 17 Martialis II 12, 4\' ) [*]( 4 dimittunt Ap.c.m2sBD mittunt Aa.c.m2 lumentis A>sa.c.m2,D pig- mentis B 8 tibi sit B pulcra DB 9 se nescit esse g se s.lSS,om.DB pulcram D 10 reuoluto g ceruicem ç 16 peregrinis Aa.r.D 17 olentis AD pellicula AD arbitrii AD triuii B 18 qui-alt. olet in mg.m2B bene semper 1ap.c.m2 semper bene cet. 19 quarum B 20 operis om.ç 22 ethn.] inimicorum Ap.c.m2 - 23 ipsaex omnis93 28 procedunt A 2$alt. etsi.93,om.^ )

200
populorum frequentiam pedem domi cohibent nec tunc egrediuntur, quando maior est adhibenda custodia et publicum penitus deuitandum. ante annos circiter triginta de uirginitate seruanda edidi librum, in quo necesse mihi fuit ire contra uitia et propter instructionem uirginis, quam monebam, diaboli insidias patefacere.

qui sermo offendit plurimos, dum unusquisque in se intellegens, quod dicebatur, non quasi monitorem libenter audiuit, sed quasi criminatorem sui operis auersatus est. uerumtamen quid profuit armasse exercitum reclamantium et uulnus conscientiae dolore monstrasse ?

liber manet, homines praeterierunt. scripsi et ad plerasque uirgines ac uiduas σπουδασμάτια et, quidquid dici poterat, in illis opusculis defloratum est, ut aut ex superfluo eadem a nobis repetantur aut nunc praetermissa plurimum noceant. certe et beatus Cyprianus egregium de uirginitate uolumen edidit et multi alii tam Latino sermone quam Graeco omniumque gentium litteris atque linguis, praecipue in ecclesiis, ἁγνὴ uita laudata est.