Hymni

Hilary, Saint, Bishop of Poitiers

Hilary, Saint, Bishop of Poitiers. S. Hilarii episcopi Pictaviensis opera (Corpus Scriptorum Ecclesiasticorum Latinorum, Volume 65.4). Feder, Alfred, editor. Vienna, Leipzig: Tempsky, Freytag, 1916.

  1. Feminae primum monentur saluatorem uiuere;
  2. quas salutat ipse mestas, conplet tristes gaudio.
  3. Seque a mortuis paterna suscitatum dextera
  4. tertia die redisse nuntiat apostolis.
  5. Mox uidetur a beatis, quos probauit, fratribus;
  6. quod redisset, ambigentes intrat clausis ianuis.
  7. Dat docens praecepta legis, dat diuinum spiritum,
  8. spiritum dei perfectum, trinitatis uinculum.
  9. Praecipit totum per orbem baptizari credulos
  10. nomen patris inuocantes, confitentes filium.
  11. Mystica fide reuelat tinctos sancto spiritu,