Hymni

Hilary, Saint, Bishop of Poitiers

Hilary, Saint, Bishop of Poitiers. S. Hilarii episcopi Pictaviensis opera (Corpus Scriptorum Ecclesiasticorum Latinorum, Volume 65.4). Feder, Alfred, editor. Vienna, Leipzig: Tempsky, Freytag, 1916.

  1. Scandere crucem iubetur innocens pro noxiis,
  2. morte carnis, quam gerebat, mortem uincit omnium.
  3. Tum deum clamore magno patrem pendens inuocat;
  4. mors secuta membra Christi laxat stricta uincula.
  5. Uela templi scissa pandunt, nox obscurat saeculum;
  6. excitantur de sepulchris dudum clausa corpora.
  7. Adfuit Ioseph beatus, corpus mirra perlitum
  8. linteo rudi ligatum cum dolore condidit.
  9. Milites seruare corpus Annas princeps praecipit,
  10. ut uideret, si probaret Christus, quod spoponderat.