Vita Sancti Severini
Eugippius
Eugippius. Eugippi Opera (Corpus Scriptorum Ecclesiasticorum Latinorum, Volume 9, Part 2) Knöll, Pius, editor. Vienna: Gerold, 1886.
Diuinis charismatibus inspiratus scis, bonorum mentibus excolendis quantum gesta sanctorum utilitatis impertiant, quantum feruoris attribuant, quantum puritatis infundant. de qua re apostolicae uocis auctoritas latius innotescens: forma, inquit, estote gregi, et beatus Paulus Timotheo praecipit: forma esto fidelibus. unde idem apostolus iustorum catalogum summa breuitate contexens ab Abel incipiens insignium uirorum pergit narrare uirtutes.
sic et ille fidelissimus Matathias morti gloriosissimae iam propinquans filiis suis hereditario iure sanctorum exempla distribuit, quorum certaminibus admirandis celebrius excitati animas suas pro legibus sempiternis Sanctitatis feruore contemnerent. nec paterna liberos fefellit instructio: tantum enim profuerunt memoratis facta maiorum, ut aperta fide armatos principes deterrerent, castra sacrilega superarent, cultus arasque daemonicas longe lateque diruerent ciuicamque coronam gestis decorati perennibus splendenti patriae prouiderent.
unde et nos ornamentis sponsae Christi quiddam fraterno ministerio prouideri gaudemus, non quo ullis, ut credo, temporibus defuerit clarior uita maiorum, sed quod domum magni regis plurimorum uexilla trophaeorum habere conueniat. non enim [*]( 7 I Petro. 5, 3 9 1 Tim. 4, 12 10 cf. Hebr. 11 14 I Mace. 2, 51 sqq. ) [*]( 4 charismatibus CGL carismatibus NT inspiratis G scis] scis (= sanctis) GN 6 quantum feruoris attribuant CGNT: ovn. L 7 de qua re] om. CG uocis] uobis G 10 katalagum Lpr. contexens CGNT: contexens et L 11 insignum T 12 mathathias libri suis filiis G 13 hereditario CL 14 ammirandis NT1 celebrius (cf. I Macc. 2, 51) CGLNT: celerius Sauppe 15 contempnerent G 17 aperta NT: apertissima C GL 19 ciuilicamque(?) T gestis NT: sertis CGL 20 perhennibus N prouidere CG 22 gaudeamus G quo ullis GNT: quod ullis C quod illis L 24 tropheorum CGLNT )