Carmina

Ennodius, Magnus Felix

Magnus Felix Ennodius. Magni Felicis Ennodii Opera Omnia (Corpus Scriptorum Ecclesiasticorum Latinorum, Volume 6). Hartel, Wilhelm, editor. Vienna: Gerold, 1882.

  1. Adridet germen, quod linguae pingitur ostro:
  2. . Ver habet in bruma qui flores carmine gignit:
  3. Per glaciem zephyros exalant uerba tepentes.
  4. Ebria fulgenti maduerunt murice dicta,.
  5. Omnibus in rebus sermonum purpura regnat:
  6. Oris ad imperium submittunt colla chelydri.
  7. Algida cum roseo iuuenescant sanguine corda,
  8. Primaeuos gelidis ostendit littera membris.
  9. Vertit ad obsequium naturae munera doctus,
  10. Aetates species mensuras tempora formas.