Carmina

Pseudo-Cyprian

Pseudo-Cyprian. S. Thasci Caecili Cypriani Opera omnia, Pars III (Corpus Scriptorum Ecclesiasticorum Latinorum, Volume 3.3). Hartel, Wilhelm von, editor. Vienna: Gerold, 1871.

  1. Iussa. reuocabit quidquid contexerat olim.
  2. Si quem forte rogis aboleuit flamma sopitum,
  3. Aut aliquem caecis deiecerat aequor in undis,
  4. Si cuiusque famem satiarunt uiscera piscis,
  5. Aut fixere ferae crudelia funera membris,
  6. Alitibus iacuit raptato corpore sanguis:
    7. [*]( 94 reuocare DTx arois fort. cf. 189,252 95 decrete W ad om. T 96 t iterum ortis scripsi, iterum mortis DTWv 97 hominis W 98 usque ad vers. 119 necesse est om. T iudicisque DTv, iudiciisque malim piorum W 99 suam suo quemque] suumque W 100 fundetur W pondere om. W flatum W 101 incasumue D dei] det W platum D 102 an om. W dñs D regantur W 103 ualeant W1 104 dum W 105 tenebris om. W 106 omnes v, omni D moles Dv 107 nihilo] illius add. Dv potenter W 108 qur D; incipit Aldhdmi fragmentum confingere Aldh. notum W 109 figuram c 110 adsimilemque scripsi, bimilemque DWv, ac similemque Aldh. 111 reddit W, reddent Dv 112 reuocauit W 113 adolebit W 115 cuiusque D W, cuiuB a famem DW, tamen v saciarunt D, satiarent W piscis scripsi, pisces DWv 116 finxerae D, finxere Wv 117 raptato] iaptatos W )
    313
  7. Vltima nec Domino negabunt funera quemquam,
  8. Adparere Deo uiuos de morte necesse est
  9. Resumptisque suis homines astare figuris.
  10. Semina sic uersis creduntur arida terris
  11. Et penitus fixis putrescunt mortua sulcis,
  12. Inde reparatis animatur culmus aristis
  13. Et iterum uiuis flauescunt fortia granis
  14. Consurguntque nouae uario cum faenore messes.
  15. Sidera cuncta cadent, iterum renata lucescent,
  16. Et dies in densam moritur cum lumine noctem,
  17. Occidit inque diem nox rebus luce retectis
  18. Ac dies alta suis iterum resurgit in astris.
  19. Solque cadit supero splendorifer lumine claro,
  20. Lux perit umbrato uenienti uespere mundo