Carmen Apologeticum

Commodianus

Commodianus. Commodiani Carmina. Dombart, Bernhard, editor. Corpus scriptorum ecclesiasticorum Latinorum, Volume 15, 1887.

  1. Indurauit enim Altissimus corda nefanda,
  2. Sicut Pharaoni prius indurauerat aures.
  3. Hic ergo rex durus et iniquus, Nero fugatus,
  4. Pelli iubet populum Christianum ipsa de urbe,
  5. Participes autem duo sibi Caesares addit,
  6. Cum quibus hunc populum persequatur diro furore.
  7. Mittunt et edicta per iudices omnes ubique,
  8. Vt genus hoc hominum faciant sine nomine Christi.