Carmen Apologeticum

Commodianus

Commodianus. Commodiani Carmina. Dombart, Bernhard, editor. Corpus scriptorum ecclesiasticorum Latinorum, Volume 15, 1887.

  1. Non ita praecepit Dominus, sacra ferre malignis;
  2. Et locu(tu)s iterum, ab idolis mundos haberi:
  3. Nemo sibi faciat simulacrum daemonis, inquit;
  4. Nam dixit et illis: Idolis seruire nolite.
  5. Si Deus praecepit ab idolis ualde caueri,
  6. Quid illi decipiunt gentes puros esse lauacris?
  7. Immo cum recipiunt tales, docere deberent
  8. Seruire non aliis, nisi tantum Summo placere.