Carmen Apologeticum

Commodianus

Commodianus. Commodiani Carmina. Dombart, Bernhard, editor. Corpus scriptorum ecclesiasticorum Latinorum, Volume 15, 1887.

  1. Nec una contentus prophetica uoce se promit,
  2. Sed multos adhibuit testes, qui de illo clamant.
  3. Hunc ergo, cum legitis multorum praeconia uatum,
  4. Inuenietis eum carnem inuenisse pro nobis.
  5. Vnde nunc erratur, ordinasse talia Summum,
  6. Et quasi subsannant, nec sciunt, quod ab ipso ridentur !
  7. Interdum subicio, qualiter praelegi prophetas,
  8. Et rudes edoceo, ubi sit spes uitae ponenda.