Instructiones

Commodianus

Commodianus. Commodiani Carmina. Dombart, Bernhard, editor. Corpus scriptorum ecclesiasticorum Latinorum, Volume 15, 1887.

  1. Auro te circumdas aut serica ueste, pudica,
  2. Terrorem legis ex auribus uento remittis,
  3. Res uanas adfectas cuncta de Zabuli pompa,
  4. Ornas et ad speclum cincinnos fronte reflexos,
  5. Nec non et inducis malis medicamina falsa,
  6. In oculis puris stibium peruerso decore,
  7. Seu crines tingis, ut sint toto tempore nigri.
  8. Est Deus inspector, penetrat qui singula corda.
  9. Ceterum pudicis ista necessaria non sunt.