In Eutropium

Claudian

Claudian, Volume 1. Platnauer, Maurice, editor. Harvard University Press: Cambridge, MA; London, England, 1922.

  1. dissimili finxisse manu: quoscumque Prometheus
  2. excoluit multumque innexuit aethera limo,
  3. hi longe ventura notant dubiisque parati
  4. casibus occurrunt fabro meliore politi.
  5. deteriore luto pravus quos edidit auctor,
  6. quem merito Grai perhibent Epimethea vates,
  7. et nihil aetherii sparsit per membra vigoris,
  8. hi pecudum ritu non impendentia vitant
  9. nec res ante vident; accepta clade queruntur
  10. et seri transacta gemunt. Iam sola renidet
    11. v.1.p.222
  11. in Stilichone salus, et cuius semper acerbum
  12. ingratumque sibi factorum conscius horror
  13. credidit adventum, quem si procedere tantum
  14. Alpibus audissent, mortem poenasque tremebant,
  15. iam cuncti venisse volunt, scelerumque priorum
  16. paenitet; hoc tantis bellorum sidus in undis
  17. sperant, hoc pariter iusti sontesque precantur:
  18. ceu pueri, quibus alta pater trans aequora merces
  19. devehit, intenti ludo studiisque soluti
  20. latius amoto passim custode vagantur;