In Eutropium

Claudian

Claudian, Volume 1. Platnauer, Maurice, editor. Harvard University Press: Cambridge, MA; London, England, 1922.

  1. considunt apices gemini dicionis Eoae,
  2. hic cocus, hic leno, defossi verbere terga,
  3. servitio, non arte pares, hic saepius emptus,
  4. alter ad Hispanos nutritus verna penates.
  5. Ergo ubi collecti proceres, qui rebus in artis
  6. consulerent tantisque darent solacia morbis,
  7. obliti subito Phrygiae bellisque relictis
  8. ad solitos coepere iocos et iurgia circi
  9. tendere. nequiquam magna confligitur ira,
  10. quis melius vibrata puer vertigine molli
  11. membra rotet, verrat quis marmora crine supino?