In Eutropium

Claudian

Claudian, Volume 1. Platnauer, Maurice, editor. Harvard University Press: Cambridge, MA; London, England, 1922.

  1. non defensuros implorat Lydia thyrsos.
  2. iamque vale Phrygiae tellus perituraque flammis
  3. moenia, conspicuas quae nunc attollitis arces,
  4. mox campi nudumque solum! dilecta valete
  5. flumina! non vestris ultra bacchabor in antris
  6. nec iuga sulcabit noster Berecynthia currus.”
  7. dixit et ad tristes convertit tympana planctus.
  8. labentem patriam sacris ululatibus Attis
  9. personat et torvi lacrimis maduere leones.
  10. Eutropius, nequeat quamvis metuenda taceri
  11. clades et trepidus vulgaverit omnia rumor,