In Eutropium

Claudian

Claudian, Volume 1. Platnauer, Maurice, editor. Harvard University Press: Cambridge, MA; London, England, 1922.

  1. principe quam largo veniat, quas inde reportet
  2. divitias, astu rabiem motura requirit.
  3. ille iter ingratum, vanos deflere labores,
  4. quos super eunuchi fastus, quae probra tulisset.
  5. continue secat ungue genas et tempore pandit
  6. adrepto gemitus: “I nunc, devotus aratris
  7. scinde solum positoque tuos mucrone sodales
  8. ad rastros sudare doce. bene rura Gruthungus
  9. excolet et certo disponet sidere vites.
  10. felices aliae, quas debellata maritis
  11. oppida, quas magnis quaesitae viribus ornant
  12. exuviae, quibus Argivae pulchraeque ministrant
  13. Thessalides, famulas et quae meruere Lacaenas.
  14. me nimium timido, nimium iunxere remisso
  15. fata viro, totum qui degener exuit Histrum,
  16. qui refugit patriae ritus, quem detinet aequi
  17. gloria concessoque cupit vixisse colonus
  18. quam dominus rapto. quid pulchra vocabula pigris