In Eutropium

Claudian

Claudian, Volume 1. Platnauer, Maurice, editor. Harvard University Press: Cambridge, MA; London, England, 1922.

  1. est opus. Ostrogothis colitur mixtisque Gruthungis
  2. Phryx ager; hos parvae poterunt impellere causae
    3. v.1.p.196
  3. in scelus; ad mores facilis natura reverti.
  4. sic eat: in nostro quando iam milite robur
  5. torpuit et molli didicit parere magistro,
  6. vindicet Arctous violatas advena leges;
  7. barbara Romano succurrant arma pudori.”
  8. Sic fatus clipeo, quantum vix ipse deorum
  9. arbiter infesto cum percutit aegida nimbo;
  10. intonuit. responsat Athos Haemusque remugit;
  11. ingeminat raucum Rhodope concussa fragorem.
  12. cornua cana gelu mirantibus extulit undis
  13. Hebrus et exanguem glacie timor adligat Histrum.
  14. tunc, adamante gravem nodisque rigentibus hastam,
  15. telum ingens nullique deo iaculabile, torsit.
  16. fit late ruptis via nubibus; ilia per auras
  17. tot freta, tot montes uno contenta volatu
  18. transilit et Phrygiae mediis adfigitur arvis.