In Eutropium

Claudian

Claudian, Volume 1. Platnauer, Maurice, editor. Harvard University Press: Cambridge, MA; London, England, 1922.

  1. sic Bruti despectus honos? Ignosce parenti,
  2. Romule, quod serus temeratis fascibus ultor
  3. advenio: iamiam largis haec gaudia faxo
  4. compensent lacrimis. quid dudum inflare moraris
  5. Tartarean!, Bellona, tubam, quid stringere falcem,
  6. qua populos a stirpe metis? molire tumultus,
  7. excute delicias. Thracum Macetumque ruinae
  8. taedet et in gentes iterum saevire sepultas.
  9. damna minus consueta move; trans aequora saevas
  10. verte faces; aliis exordia sume rapinis.
  11. non tibi Riphaeis hostis quaerendus ab oris,