Fescinnina de nuptiis Honorii Augusti

Claudian

Claudian, Volume 1. Platnauer, Maurice, editor. Harvard University Press: Cambridge, MA; London, England, 1922.

  1. tu si nivalis per iuga Caucasi
  2. saevas petisses pulcher Amazonas,
  3. peltata pugnas desereret cohors
  4. sexu recepto; patris et inmemor
  5. inter frementes Hippolyte tubas
  6. strictam securim languida poneret
  7. et seminudo pectore cingulum
  8. forti negatum solveret Herculi,
  9. bellumque solus conficeret decor.
  10. Beata, quae te mox faciet virum
  11. primisque sese iunget amoribus.
  1. Age cuncta nuptiali
  2. redimita vere tellus
  3. celebra toros eriles;
  4. omne nemus cum fluviis,