de raptu Proserpinae

Claudian

Claudian, Volume 2. Platnauer, Maurice, editor. Harvard University Press: Cambridge, MA; London, England, 1922.

  1. te Libyci stupuere sinus, te maxima Tethys
  2. horruit, imposito cum premerere polo :
  3. firmior Herculea mundus cervice pependit ;
  4. lustrarunt umeros Phoebus et astra tuos.”
  5. Thracius haec vates. sed tu Tirynthius alter,
  6. Florentine, mihi : tu mea plectra moves
  7. antraque Musarum longo torpentia somno
  8. excutis et placidos ducis in orbe chores.
  1. Impulit Ionios praemisso lumine fluctus
  2. nondum pura dies ; tremulis vibratur in undis
  3. ardor et errantes ludunt per caerula flammae.
  4. iamque audax animi fidaeque oblita parentis
  5. fraude Dionaea riguos Proserpina saltus
  6. (sic Parcae iussere) petit, ter cardine verso
  7. praesagum cecinere fores ; ter conscia fati
  8. flebile terrificis gemuit mugitibus Aetna,
  9. nullis ilia tamen monstris nulloque tenetur
  10. prodigio. comites gressum iunxere sorores.
  11. Prima dolo gaudens et tanto concita voto
  12. it Venus et raptus metitur corde futuros,