de consulatu Stilichonis

Claudian

Claudian, Volume 1-2. Platnauer, Maurice, editor. Harvard University Press: Cambridge, MA; London, England, 1922.

  1. quam labor ipse iuvat ; strepitus fastidit inanes
  2. inque animis hominum pompa meliore triumphat.
  3. Non alium certe Romanae clarius arces
  4. suscepere ducem, nec cum cedente rediret
  5. Fabricius Pyrrho nec cum Capitolia curru
  6. Pellaeae domitor Paullus conscenderet aulae.
  7. nec similis Latias patefecit gloria portas
  8. post Numidas Mario, post classica Martis Eoi
  9. Pompeio. nulli pars aemula defuit umquam,