de consulatu Stilichonis

Claudian

Claudian, Volume 1-2. Platnauer, Maurice, editor. Harvard University Press: Cambridge, MA; London, England, 1922.

  1. sic male sublimes fregit Spartanus Athenas
  2. atque idem Thebis cecidit ; sic Medus ademit
  3. Assyrio Medoque tulit moderamina Perses ;
  4. subiecit Persen Macedo, cessurus et ipse
  5. Romanis. haec auguriis firmata Sibyllae,
  6. haec sacris animata Numae. huic 1 fulmina vibrat
  7. Iuppiter ; hanc tota Tritonia Gorgone velat.
  8. arcanas huc Vesta faces, huc orgia Bacchus
  9. transtulit et Phrygios genetrix turrita leones ;
  10. hue defensurus morbos Epidaurius hospes
  11. reptavit placido tractu, vectumque per undas
  12. insula Paeonium texit Tiberina draconem.
  13. Hanc tu cum superis, Stilicho praeclare, tueris,