Conlationes Patrum (Collationibus)

et quemadmodum de illo refertur: qui etiam proprio filio non pepercit, sed pro nobis omnibus tradidit eum, ita de isto narratur: oblatus est quia ipse uoluit. et ita patris ac filii uoluntas una per omnia designatur, ut etiam in ipso resurrectionis dominicae sacramento operatio non dissona fuisse doceatur. nam sicut resurrectionem corporis eius patrem operatum beatus apostolus praedicat dicens: et deum patrem qui suscitauit eum a mortuis, ita filius suscitaturum se templum sui corporis protestatur soluite, inquiens, templum hoc, et ego in tribus diebus suscitabo illud.

et idcirco his quae praediximus exemplis dominicis eruditi cunctas obsecrationes nostras simili nos quoque debemus oratione concludere et hanc uocem cunctis petitionibus nostris semper adiungere: uerumtamen non sicut ego uolo sed sicut tu. satis uero constat illum trinae curuationis numerum, qui solet in congregationibus fratrum ad concludendam synarin celebrari, eum qui intento animo supplicat obseruare non posse.

Ante omnia sane illud euangelicum praeceptum diligentius obseruandum est, ut intrantes in cubiculum nostrum cluso ostio nostro oremus patrem nostrum. quod a nobis ita inplebitur. intra nostrum cubiculum supplicamus, cum ab omnium cogitationum siue sollicitudinum strepitu cor nostrum penitus amouentes secreto quodammodo ac familiariter preces nostras domino reseramus.

clauso oramus ostio, [*]( 1 Ioh. 3,16 3 Gal. 1, 4 4 Rom. 8, 32 6 Esai. 53, 7 11 Gal. 1, 1 13 loh. 2, 19 18 Mt. 26, 39 22 c1. Mt. 6, 6 ) [*]( 1 hunc mundum D 2 traderet 0 5 filio] filio suo DP 7 fili D\'W 9 sicut] sunt D1 10 reeurrectione DO 13 inquid D OP 15 cunctis Dx 18 ueruntamen Dx non sicut] non snnt D1 19 carnationis WX: cnrbationis 0 curationis YD orationis P 20 sinaxin WPX celebrare D\'P 21 non snpplicat r 24 clauso OX nnbis F1 25 intra nostrum] cum intra cordis nostri W )