Precationes

Ausonius, Decimus Magnus

Ausonius, Decimus Magnus. Ausonius, Volume 1. Evelyn-White, Hugh G. (Hugh Gerard), editor. London, Cambridge, MA: William Heinemann, Ltd.; Harvard University Press, 1919.

  1. IANE, VENI: NOVUS ANNE, VENI: RENOVATE VENI, SOL.
  2. Hostibus edomitis, qua Francia mixta Suebis
  3. certat ad obsequium, Latiis ut militet armis,
  4. qua vaga Sauromates sibi iunxerat agmina Chuni,
  5. quaque Getes sociis Histrum adsultabat Alanis
  6. (hoc mihi praepetibus victoria nuntiat alis):
  7. iam venit Augustus, nostros ut comat honores,
  8. officio exornans, quos participare cupisset.