Precationes

Ausonius, Decimus Magnus

Ausonius, Decimus Magnus. Ausonius, Volume 1. Evelyn-White, Hugh G. (Hugh Gerard), editor. London, Cambridge, MA: William Heinemann, Ltd.; Harvard University Press, 1919.

  1. ultime circuitu: procul a Pyroente remotus
  2. tranquillum properabis iter. vos comminus ite,
  3. stella salutigeri Iovis et Cythereie Vesper:
  4. non umquam hospitibus facilis Cyllenius absit.
  5. IANE, VENI: NOVUS ANNE, VENI: RENOVATE VENI, SOL.
  6. Hostibus edomitis, qua Francia mixta Suebis
  7. certat ad obsequium, Latiis ut militet armis,
  8. qua vaga Sauromates sibi iunxerat agmina Chuni,
  9. quaque Getes sociis Histrum adsultabat Alanis